أثار قرار نقابة المهن الموسيقية في مصر بإيقاف الفنان راغب علامة عن الغناء داخل البلاد جدلًا واسعًا على منصات التواصل الاجتماعي، وذلك على خلفية تداول صور من إحدى حفلاته الأخيرة أثارت حالة من الجدل حول طريقة تفاعل الجمهور معه، وخاصة لقطة احتضن فيها إحدى المعجبات على المسرح.
إيقاف راغب علامة من الغناء في مصر
جانب من الحفل
ويستعرض “كابيتال نيوز” في السطور التالية التفاصيــــــــــــــــــــــــــــــــــــــــــــل ..
أكد الفنان راغب علامة أنه لا يستطيع أن يمنع معجبيه من الاقتراب منه خلال الحفلات مشيرا إلى أن هذا الأمر مسؤولية المنظمين.
تفاصيل الواقعة
وقال علامة في مداخلة مع برنامج “أخر النهار” المذاع على قناة “النهار”: “وأنا نازل على المسرح، في بنت من فرحتها باستني الزاوية اللي اتخذت الصورة منها ظهرت وكأنه يعني أبي فوق الشجرة عبد الحليم ونادية لطفي”.
وأضاف: “هي من فرحتها بس هي مسكينة، يعني هي كمان البنت اتظلمت، لأن البنت ما بستنيش في بقي، البوسة كانت بره البق على جنب عادية، يعني إنما الزاوية اظهرت كده أنا 100 صورة لما بسلم على صاحبي ببوسه بتبان الصورة كأني ببوسه في بُقه، أو يعني دي بتحصل في الصور”.
وتابع علامة : “أريد أن أؤكد على محبتي واحترامي وحبي الكبير ومسؤوليتي الكبيرة أمام مصر وشعب مصر، مصر وجمهور مصر كله أنا أحترم الجمهور وما أتعاملش بخصوصية، يعني لو واحدة بس أنا مش هضربها، يعني حتى لو الطريقة اللي هي باستني فيها شدتني كده”.
وأضاف: “يعني أنا مقدّر إنها باستني عشان بتحبني، فيعني وما تاخدلهاش أبعاد، لأنه أنا مش فاهم إن واحد أخد صورة من بعيد، وكان حوالي ناس كتير، وده مش على المسرح على فكرة، كان ورا المسرح”.
وواصل: “أنا طبعًا أحمّل المسؤولية للمنظمين، المفروض يخلو الناس كده ورا أو يمنعوا يطلعوا الناس على المسرح لأن أنا لو طلع حد على المسرح، أنا ما أعرفش أنزّل حد، ما أكسرش خاطر حد فدي ما أعرفش”.
وذكر: “صدقًا، البنت دي مظلومة، ماباستنيش في بقي، والله العظيم أنا أتفهم موقف النقابة، وكنت بتكلم دلوقتي مع حضرة النقيب، صديقي، وتفهم، وقلت له إن النقابة دي بيتي، وأنا فنان، مسؤوليتي كفنان عربي بمصر، أمام المصريين، أمام جمهوري، أمام تاريخي، أمام سياحة مصر، مسؤولية كبيرة”.
ولفت: “طبعًا الناس كانت مبسوطة بالحفلة أنا بعت له رسالة صوتية للنقيب، قلت له ده بيان أبعته لك بكرة مكتوب، لأني كل الاحترام، وأنا النقابة ما عنديش أي مشكل أزور النقابة، دي بيتي، أنا أتشرف بزيارة النقابة والنقيب وزملاء الفنانين”.
واختتم: “مفيش قضية بالأساس ممتاز فهو تفهّم الموضوع، وطبعًا بأول زيارة لي لمصر كمان الأسبوع الجاي بإذن الله، هتلاقوني في النقابة، رايح أشرب قهوة معاهم، وزي ما قال لي احنا عايزين نكرمك في النقابة وأنا أفتخر بالموضوع ده، وبشوف نفسي بالنقابة الموسيقيين اللي أنا بتعامل معهم بقى لي 40 سنة، ولا عمري كان أي حاجة بيني وبين أي سوء تفاهم، إذا كل النقباء والأصحاب والأصدقاء”.
اقرأ أيضا: إلغاء العرض الخاص لفيلم استنساخ بطولة الفنان سامح حسين
