بالإسم والبيانات الشخصية.. إزاي تعرف قيمة معاشك وإنت قاعد في بيتك

أيام ويبدأ شهر مارس.. ومعروف إن العلاوة المالية على المعاشات بتكون في شهر مارس فناس كتير من أصحاب المعاشات عاوزين يعرفوا يا ترى حيتم صرف العلاوة بتاعته فعلا على المعاش خلال شهر مارس اللي جاي، ولو تم إضافتها يا ترى كدة المعاش حيزيد أد إيه.. بس في نفس الوقت ناس كتير بتقول معقولة حروح مشوار لحد البنك عشان أعرف المعاش بتاعي زاد ولا لأ.. يعني مفيش أي طريقة أعرف وأنا قاعد في بيتي..

الهيئة القومية للتأمين الاجتماعي أتاحت بالفعل لمختلف الفئات من المواطنين الخدمة الإليكترونية على الإنترنت اللي من خلالها تقدر وإنت قاعد في بيتك تستعلم عن قيمة المعاش بتاعك من غير ما تكون مضطر إنك تروح لحد البنك أو مكاتب التأمينات.. وطبعا الطريقة تعتبر راحة كبيرة لأكثر من 13 مليون مستفيد من المعاشات
وخلال جولتنا المرة دي على “كابيتال نيوز” حنوضح ليكوا خطوات معينة لما تتبعوها حتقدروا تستعلموا عن قيمة المعاش..

أول حاجة بيتم الدخول على الموقع الرسمي للهيئة القومية للتأمين الاجتماعي على الإنترنت.. وعشان يكون سهل عليك.. تدخل على جوجل وتكتب في خانة البحث الهيئة القومية للتأمين الاجتماعي.. لما تكتبها حيظهر ليك الموقع الرسمي للهيئة فتدخل عليه على طول..
بعد ما تدخل على الموقع الرسمي للهيئة حتلاقي إختيارات كتير مخصصة للمستفيدين من المعاشات.. حتختار منها خانة مكتوب عليها “صاحب المعاش”