ميديا

توقعات جديدة عن الغاز الطبيعي في مصر وجهود لزيادة الإنتاج بمقدار 220 مليون قدم مكعب يوميا

برحب بيكم متابعي موقع “كابيتال نيوز” جولة جديدة حتكون فيها معكم عواطف الوصيف للكشف عن توقعات جديدة تتعلق بمستجدات إنتاج الغاز الطبيعي في مصر..

شركة “فيتش سوليوشنز” الأمريكية رفعت توقعاتها لإنتاج الغاز في مصر ودة خلال الربع الأول من العام الحالي 2025.. تحديدا بعد استئناف عمليات الحفر في حقل ظهر ومشروع غاز ريفين، ودة طبعا بيعكس أولوية البلاد في إنها لازم تستغل احتياطياتها من الغاز من الناحية التجارية.

وشركة “فيتش شوليو شنز” وبحسب رؤيتها فمن المتوقع إن يحصل زيادة في إنتاج الغاز في مصر بنسبة 2.5% خلال السنة دي 2025، وأفادت كمان إنه من المتوقع يحصل نمو بنسبة 1.0% خلال سنة 2026، ودة من خلال إعادة تنشيط عمليات الحفر في حقل ظهر للغاز.. عمليات الحفر دي اللي بتقودها شركة “إيني” الإيطالية والهدف هو زيادة الإنتاج بم يعادل 220 مليون قدم مكعب يوميا..

وبالنسبة للإنتاج الحالي في حقل ظهر للغاز الطبيعي فهو بيبلغ حوالي 2 مليار قدم مكعب يوميا يعني ما يعادل 20.7 مليار متر مكعب سنويا.. دة بيمثل تقريبا 35% من إجمالي إنتاج مصر من الغاز..

وعشان نوضح الصورة كاملة… شركة “إيني الإيطالية” سبق وخططت لاستثمار تقريبا 160 مليون دولار أمريكي خلال النصف الثاني من سنة 2024..

من ناحية تانية.. شركة “فيتش شوليو شينز” توقعت إنه يحصل إنخفاض في إنتاج مصر من النفط الخام وسوائل الغاز الطبيعي والسوائل الأخرى بنسبة 1.0% خلال 2025 و 2026 عشان يوصل متوسط الإنتاج لـ 628.700 ألف برميل يوميًا على التوالي.

ورصدت الشركة إن تطورات حقل ظُهر بتيجي بالتوازي مع تقدم شركة BP في مشروع غاز ريفين.. والمرحلة الثانية من المشروع بتشمل حفر بئرين جديدين في حقل كينج، ومن المقرر أن يضاف 200 مليون قدم مكعب يوميًا لإنتاج مصر يعني ما يعادل 2 مليار متر مكعب سنويا..

”

كل ما الوقت بيعدي وشهر رمضان بيقرب ، كل ما الناس بتدور اكتر علي اسعار الياميش والمكسرات ، وخصوصا ان المحلات بدأت تعرض منتجات شهر رمضان من دلوقتي عشان الناس كلها تلحق تشتري براحتها من غير اي زحمه

وفي اللايف ده هنعرف اسعار سلع رمضان ارتفعت بنسبة كام

اهلا بيكم متابعي موقع كابيتال نيوز معكم شروق رضا

السنادي في تنوع ملحوظ في الاسعار ، واللي مختلفه كمان بين المحافظات ويمكن المدن داخل نفس المحافظة

وزادت أسعار الياميش السنادي 10% مقارنة بالسنة اللي فاتت ، وده بسبب الارتفاع الكبير في أسعار الجمارك، وده اللي قاله كتير من التجار.
وجاءت الأسعار على النحو التالي
كيلو البلح: يتراوح بين 25 إلى 90 جنيهًا.
لفة قمر الدين (400 جرام): تتراوح بين 30 إلى 100 جنيه.
كيلو الزبيب: يتراوح بين 30 إلى 70 جنيهًا.
كيلو جوز الهند: يتراوح بين 40 إلى 80 جنيهًا.
كيلو التين السوري المجفف: وصل إلى 580 جنيهًا.
كيلو المشمشية: بلغ 420 جنيهًا.
كيلو القراصيا: وصل إلى 340 جنيهًا.

ده غير المكسرات واللي تعتبر من المكونات الأساسية لناس كتير في شهر رمضان ، لانهم بيستخدموها في تحضير الحلويات الرمضانية زي الكنافة والقطايف والجلاش،
ويمكن ده بيخلي عليها طلب كتير خلال الشهر ده بالتحديد علي عكس باقي السنة . ومع الارتفاع المستمر في الأسعارالتجار قدموا عبوات صغيرة بأوزان مختلفة عشان تناسب مختلف الفئات. وتراوحت الأسعار كالآتي

كيلو السوداني المملح: 122 جنيهًا.
عبوة السوداني (200 جرام): 81 جنيهًا.
عبوة الكاجو المحمص (200 جرام): 303 جنيهًا.
عبوة الكاجو المحمص (175 جرام): 234 جنيهًا.
كيلو الكاجو: 1255 جنيهًا.
كيلو الفستق: 1218 جنيهًا.
كيلو الفستق المقشر: 2900 جنيهًا.
عبوة الفستق المحمص (175 جرام): 282 جنيهًا.
عبوة اللوز المحمص (200 جرام): 303 جنيهًا.
كيلو عين الجمل: 850 جنيهًا.
عبوة عين الجمل (200 جرام): 202 جنيهًا.
كيلو البندق: 1000 جنيه

واختلاف الاسعار في مختلف المناطق المصرية بينعكس علي قدرة المستهلكين علي شراء ياميش رمضان ، عشان كده كتير من الناس بتشتري مستلزماتهم بدري عشان يضمنوا انهم يجبوها باسعار مناسبة قبل ميحصل ارتفاع في الاسعار قبل دخول رمضان.

”